لە بەیاننامەی نووسینگەی سەرۆک وەزیرانی عێراقدا هاتووە کە سودانی لەم سەفەرە یەک ڕۆژەیەدا ڕێککەوتنی هاوبەشی ستراتیژیی نێوان عێراق و فەرەنسا واژۆ دەکات.
بڕیارە سەرۆک وەزیرانی عێراق لەگەڵ هاوتا فەرەنسیەکەی «ئیلیزابێت بۆرن» و «ئیمانوێل ماکرۆن» سەرۆکی فەرەنسا و ژمارەیەک بەرپرسی حکومی و هەروەها نوێنەری کۆمپانیا و بازرگانانی ئەو وڵاتە کۆببێتەوە.
بەرەنگاربوونەوەی تیرۆر و توندڕەوی، ئاڵوگۆڕی ڕۆشنبیری، پاراستنی شوێنەوارە دێرینەکان، بەرەنگاربوونەوەی تاوانە ڕێکخراو و ئابوورییەکان، کڕینی چەک، پاراستنی ژینگە، مافی مرۆڤ، پەروەردە و هەوڵدان بۆ بەدیهێنانی ئاشتی لە ناوچەکە و جیهان، گواستنەوە و دامەزراندنی میترۆو، گۆڕینی ژێرخانی ئابووریی عێراق یەکێکە لە ئامانجە دیارەکانی ئەم گەشتە.
342/
